​កម្មវិធី​លើ Android បង្រៀនពីរបៀប​ក្នុង​ការចងក្រវ៉ាត់ក

នេះជាកម្មវីធី​បង្ហាញ​ពីរបៀបចងក្រវ៉ាត់ក​ឲ្យ​ត្រឹមត្រូវ ស្អាត និង សមរម្យ ដោយ​ក្នុង​កម្មវិធី​នេះមានការចងក្រវ៉ាត់ក ១២ របៀប ។

សំគាល់៖ កម្មវីធីនេះអាច​ដំណើរ​ការ​លើ​ដែល​ប្រើ Android 2.1 ឡើងទៅ​ដូចជា LG, Samsung, Sony ។ ល ។

ការ​ដំឡើង​

ការ​ដំឡើង​កម្មវិធី​នេះ​ក៏​ដូចជា​កម្មវិធី Android ផ្សេងទៀត​គឺយើងអាច​ដំឡើង​បានតាម២របៀប ៖

 របៀបទី១ ដំឡើង​ដោយ​ប្រើ File *.APK

ការ​ដំឡើង​តាមរបៀបនេះអ្នកត្រូវមាន file “How to Tie a Tie.apk” ជាមុនសិន (ដែល file នេះមាន​ក្នុង CD របស់​ទស្សនាវដ្ដី)  រូច copy file នេះដាក់​ក្នុង Memory Card របស់​ទូរសព្ទ (តាមរន្ធ USB ដោយ​ភ្ជាប់​ទៅកាន់​កុំព្យូទ័រ)  ​បន្ទាប់មក​អ្នកអាច​ដំឡើង​កម្មវិធី​នេះបានដោយបើក​ទូរសព្ទ រួចចូល​ទៅកាន់​ទីតាំង​ដែល​ទុក file នេះ ហើយចុចលើវា

ចុចលើពាក្យ Install ហើយ​កម្មវិធី​នេះ​នឹងត្រូវ​បាន​ដំឡើង រង់ចាំដល់វា​ដំឡើង​ចប់ 

ហើយអ្នកអាច​ប្រើ​វាបានដោយចុចលើពាក្យ Open

 របៀបទី២ ដំឡើង​តាម Google Play

ដំបូង​ទូរសព្ទ​របស់​លោកអ្នក​ត្រូវមាន​ភ្ជាប់​អ៊ីនធឺណេត​ជាមុនសិន

រួចបើក Google Play ហើយវាយពាក្យ how to tie a tie ទៅ​ក្នុង​ប្រអប់​ស្វែងរក (សូមមើលរូប)

នោះ​កម្មវិធី How to Tie a Tie នឹង​បង្ហាញ​នៅលើ​គេ ចុចលើវា ដើម្បី​បើកមើល​លម្អិត​

ចុចលើ Install

ចុចលើពាក្យ Accept & download

 

ហើយ​ទូរសព្ទ​របស់អ្នក​នឹង download ហើយ​ដំឡើង​កម្មវិធី​នេះ​ឲ្យ​អ្នក ។

របៀប​ប្រើ​

យើង​គ្រាន់តែ​បើក​កម្មវិធី​យើងនឹងឃើញមាន១២របៀប ដើម្បី​ចងក្រវ៉ាត់កដូចរូប​ខាងក្រោម​

 

យើងអាច​ជ្រើសរើស​យករបៀបមួយណា​ក៏​បានតាម​ដែល​អ្នកចង បន្ទាប់ពី​ចុចលើ របៀប​ណាមួយ​ហើយ វានិង​បង្ហាញ​ផ្ទាំង​ថ្មីមួយទៀត ដែល​ស្តីអំពីជំហាន​លម្អិត​សម្រាប់​ការចង​ទៅតាម​ជំហាន​នីមួយៗ ហើយនៅ​ដែល​យើងចង់មើលជំហានបន្តទៀត សូមចុចសញព្រួញទៅមុខ ឬ​ថយក្រោយ ។

*** សម្រាប់​របៀប​ប្រើ​ប្រាស់​សូមមើលទស្សនាវដ្ដីអាន-ANT ច្បាប់​ទី ៣៩ សម្រាប់ ខែមិថុនា ឆ្នាំ​២០១២

*** software និង​វីឌីអូ​សម្រាប់​ការអនុវត្ដន៍ ជា​ច្រើន​ទៀតមាន​ក្នុង​ស៊ីឌីទស្សនាវដ្ដីអាន-ANT