២៨
សីហា
សីហា
ផ្នែក ស្ថាបត្យកម្ម និងសំណង់ស៊ីវិល
ផ្នែកស្ថាបត្យកម្ម និងវិស្វកម្ម សំណង់ស៊ីវិលនៃសាកលវិទ្យាល័យន័រតុនបានប្រារឰពិធីដ៏មហោឡារិកមួយ កាលពីព្រឹកថ្ងៃទី២១ ខែមករា ឆ្នាំ ២០១១ ដោយមាន គណៈគ្រប់គ្រងសាស្ដ្រាចារ្យបុគ្គលិក និងនិស្សិតផ្នែកស្ថាបត្យកម្ម និងវិស្វកម្មសំណង់ ស៊ីវិលចូលរួមចំនួន ១៥០០នាក់ ចូលរួមស្ដាប់ បាឋកថាដែលថ្លែងដោយឯកឧត្ដមបណ្ឌិត វណ្ណ ម៉ូលីវណ្ណ ឧត្ដមប្រឹក្សាផ្ទាល់នៃព្រះមហាក្សត្រ និងជាស្ថាបត្យកម្មករដ៏ល្បីល្បាញនៃព្រះរាជា ណាចក្រកម្ពុជាក្នុងសតវត្សរ៍ឆ្នាំ ១៩៥០ - ៧០ ។ បាឋកថាដ៏មានសារៈសំខាន់នេះបាន ផ្ដោតទៅលើប្រធានបទ “ទីក្រុងក្នុងតំបន់អាស៊ីអាគ្នេយ៍ពីអតីតកាលនិង បច្ចុប្បន្នភាព ” ដោយមានការធ្វើបទបង្ហាញពីការបង្កើតអាណាចក្រការរៀបចំក្រុង និងលក្ខណៈស្ថាបត្យកម្មដើមក្នុងយុគសម័យបុរាណ ព្រម ទាំងការអភិវឌ្ឍទីក្រុងក្នុងយុគសម័យក្រោយនៅទូទាំងតំបន់អាស៊ីអាគ្នេយ៍ ។ ឯកឧត្ដមក៏ បានផ្ដល់បទអន្ដរាគមន៍ និងអនុសាសន៍ដ៏មាន អត្ថន័យស៊ីជម្រៅពាក់ព័ន្ធសំណង់ស្ថាបត្យកម្ម ខ្មែរទំនើបដោយផ្អែកលើមូលដ្ឋានរចនាបទ ខ្មែរ និងការអភិរក្សប្រលឹង និងអត្ដសញ្ញាណជាតិខ្មែរជូនដល់ សាស្ដ្រាចារ្យ និងនិស្សិត ដែលជាអនាគតស្ថាបត្យករ និងវិស្វករ ក្នុងយុគសម័យទំនើប ដែលកំពុងប្រឈមនឹង ការហូរចូលយ៉ាងគំហុកនៃពហុវប្បធម៌ ។
លោក តា វណ្ណ ម៉ូលី វណ្ណ ទស្សនាពិព័រណ៌ស្នាដៃនិសិ្សតស្ថាបត្យកម្ម
ឯកឧត្ដម វណ្ណ ម៉ូលីវណ្ណ ឧត្ដមទីព្រឹក្សាផ្ទាល់ព្រះមហាក្សត្រផ្ដល់អនុសាសន៍នៃពិព័រណ៌ និង ពាក្យពេចអនុស្សាវរីយ៍ក្នុងក្រាំងមាសន័រតុន
អត្ថបទផ្ដល់ដោយសាកលវិទ្យាល័យ ន័រតុន
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា