វ៉ិបសាយ​ត្រូវបាន​គេ Hack?

Website ជា​ច្រើន​ទទួលរងការ hack ពីសំណាក់ពពួក hacker ក្នុង​លក្ខណៈ​ផ្សេងៗ​គ្នា​ដូចជា​ការបញ្ជ្រៀតចូល​នូវ malicious (ពពួក virus) ចូលទៅ​ក្នុង website របស់អ្នក​ដែល​អាចបង្ក​ឲ្យ​មាន​បញ្ហា​ទៅលើ​អ្នកមើលពេល​ដែល​គេបើក website នោះ ឬ​ក៏ Hacker អាចចូលទៅ​ធ្វើការ​កែប្រែ ខ្លឹមសារផ្សេងៗ​ដែល​មាន​នៅលើ front page របស់អ្នក​ក៏​មាន ។ ដូច្នេះការ​កំណត់​ឲ្យ​បានដឹងថា website របស់អ្នក​ត្រូវបាន hack ឬ​អត់ គឺពិតជា​សំខាន់​បំផុត ដើម្បី​កំណត់​រកវិធី​យ៉ាង​ណា ដើម្បី​ធ្វើការ​ដោះស្រាយ​បញ្ហា​នោះ ។

​ខាងក្រោម​យើងនឹងស្វែងយល់ពី​លក្ខណៈ​ខ្លះ ដែល​បង្ហាញ​ថា website របស់អ្នក​ត្រូវបាន Hack និង វិធីដោះស្រាយមួយចំនួន ។

តើ Website ត្រូវបាន Hack ឬ​យ៉ាង​ណា?

​លក្ខណៈ​មួយចំនួន​ដែល​បានស្ដែងចេញ​ឲ្យ​អ្នកដឹងថា website របស់អ្នក​ត្រូវបាន Hack មាន​ដូចជា​

• បើក website របស់អ្នក បែរជា​បង្ហាញ​ទំព័រមួយផ្សេង ។

ឧទាហរណ៍ ខ្លឹមសារ​ដែល​មាន​ក្នុង​ទំព័រ​ត្រូវបាន​ផ្លាស់ប្ដូរ ឬ​ក៏​បង្ហាញ​ទំព័រផ្សេង​ដែល​មិនមែនជាទំព័រ​របស់អ្នក ។

• អ្នក​មិនអាច​បើកចូល​ទៅកាន់​គណនី page admin ដើម្បី​ធ្វើការ​កែប្រែខ្លឹមសារផ្សេងៗ ឬ User ធម្មតា​មិនអាច​បើចូល​ទៅកាន់​គណនីរបស់របស់​ពួកគេ​បាន

• ទទួលបានសារព្រមាន​នៅពេល​ដែល​អ្នកព្យាយាមបើកចូល​ទៅកាន់ page របស់អ្នក ។ ដោយសារ Google វា​ធ្វើការ scan នូវ​រាល់ websites ដើម្បី​ស្វែងរក malicious coding ហើយ​ប្រើ​សិនបើវា​ស្វែងរក​ឃើញ file ណា​ដែល​មាន malicious នោះ​វានឹង​ធ្វើការ​ព្រមាន​នៅលើ Browser របស់អ្នក​ថា “Warning-visiting this web site may harm your computer! ” នេះ​បញ្ជាក់​ថា Website របស់អ្នក​ត្រូវបាន hack បញ្ចូល​នូវ malicious ហើយ

• ​កម្មវិធី​ការពារ​មេរោគ​ក្នុង​ម៉ាស៊ីន​របស់អ្នក​ព្រមានថាមាន​មេរោគ​នៅលើ website របស់អ្នក មានន័យថា page របស់អ្នក​មានផ្ទុក​មេរោគ​ដែល​អាចនឹងបង្ក​ឲ្យ​មាន​បញ្ហា​

​ចំណាំ​៖ សារព្រមាន​ខាងលើ​អាចកើតមាន​នៅពេល​ដែល​អ្នក​ប្រើ​កម្មវិធី​ការពារ​មេរោគ​ប្រភេទ internet security

• ទំព័រ​ដែល​ជាធម្មតាគឺបើកបានបែរជាបើក​មិនបាន ។ ករណីនេះវាអាចកើតឡើង​នៅពេល​ដែល​ពួក Hacker ចូលទៅ​ធ្វើការ​កែប្រែ​ទៅលើ database ដែល​ធ្វើ​ឲ្យ​ការ Connect ទៅកាន់ database មិនអាច​នឹងធ្វើទៅបាន ។

វិធីដោះស្រាយ​ខ្លះ​ៗ​ 

ជា​ទូទៅ​ការ Hack វាមាន​លក្ខណៈ​ខុសៗ​គ្នា​ដូចនេះយើង​មិនអាច​កំណត់​នូវ​វិធីសាស្រ្តជាក់លាក់ ដើម្បី​ដោះស្រាយ​បញ្ហា​នោះបានឡើយ ។ ខាងក្រោម​ជាវិធី​ខ្លះ​ដែល​អាចដោះស្រាយបានមួយ​ផ្នែក ៖  

• ​ធ្វើការ Restore នូវ website របស់អ្នក​ដែល​បាន Backups ទុក ៖  អ្នកអាច​ធ្វើការ restore នូវ Website របស់អ្នក​ដែល​បាន backup ទុកមុននឹង Website របស់អ្នក​ត្រូវបាន hacked ដោយខ្លួនឯង ប៉ុន្តែ​ប្រសិនបើ​អ្នកបានបង់​នូវ​សេវា backup អ្នកអាច​ធ្វើការ​ទាក់ទង​ទៅកាន់​ផ្នែក support team ដើម្បី​ឲ្យ​គេ​ធ្វើការ restore site របស់អ្នក​ឡើងវិញ ។

• ​ធ្វើការ​លុបចោល​នូវ code ផ្សេងៗ​ដែល​ពួក hacker បាន​បញ្ចូល​ទៅ​ក្នុង .httaccess fileជាធម្មតាពួក hacker តែង​បញ្ចូល​នូវ code របស់​ពួកគេ​នៅ​ក្នុង .htaccess file របស់  website (wordpress) របស់អ្នក ដូចនេះអ្នកអាចចូលទៅ​ក្នុង File .htaccess នោះរួចលុបចោល​នូវ code ទាំងនោះ ដើម្បី​ដោះស្រាយ​បញ្ហា ។

​ខាងក្រោម​ជា​ទម្រង់​នៃ code ដែល hacker  បាន​បញ្ចូល​

*** ដកស្រង់ចេញពី​ទស្សនាវដ្ដី​អាន-ANT ច្បាប់​ទី ៤៤ សម្រាប់​ខែវិច្ឆិកា ឆ្នាំ​២០១២

*** software និង​វីឌីអូ​សម្រាប់​ការអនុវត្ដ ជា​ច្រើន​ទៀតមាន​ក្នុង​ស៊ីឌី​ទស្សនាវដ្ដី​អាន-ANT