របៀប​បង្កើត​ឲ្យ​មានទឹកភ្លៀងដោយ​ប្រើ Adobe Photoshop

​ក្នុង​អត្ថបទនេះ ANT Training នឹងបង្រៀន​លោកអ្នក​អំពីរបៀប​បង្កើត​ទឹកភ្លៀង និង បន្ថយ​ពន្លឺ​ឲ្យ​រូបភាព​ដោយវិធីងាយៗ​ដោយអនុវត្តតាមជំហាន​នីមួយៗ​ដូច​ខាងក្រោម​៖

♦ ជំហានទី ១

​លោកអ្នក​បើក​កម្មវិធី Adobe Photoshop រួចចុចលើ Menu Bar ដោយជ្រើសយក File → Open ដើម្បី​បើកទីតាំង​រូបភាព​ដែល​យើងចង់កែ​បន្ទាប់មក​ចុច Open

♦ ជំហានទី ២

ក្រោយពីបើក​រូបភាព ដើម្បី​បង្កើត​ទឹកភ្លៀងរួច ​លោកអ្នក​ចុចលើ Menu Bar ជ្រើសយក Layer → New → Layer ដើម្បី​បង្កើត Layer ថ្មីមួយរួចដាក់​ឈ្មោះ (Rain)

♦ ជំហានទី៣

​បន្ទាប់មក​យើងចុចលើ Edit→ Fill  រួចវា​បង្ហាញ​ផ្ទាំង​មួយដួច​ខាងក្រោម​រួច Ok ដើម្បី​ដាក់លើ Layer នោះ 

ជំហានទី៤

​បន្ទាប់មក​យើងចុច Filter → Noise → Add Noise ដើម្បី​បង្កើត​គ្រាប់ភ្លៀង ដោយ​កំណត់​ Amount 35% ​សម្រាប់​កំណត់​ទំហំ​គ្រាប់ភ្លៀង បន្ទាប់មក​ចុច Ok

♦ ជំហានទី ៥

​បន្ទាប់មក​យើង​ចុចលើ Blend Mode ជ្រើសយក Screen  

♦ ជំហានទី ៦

​ចំណុច​បន្ទាប់យើងចុចលើ  Filter  → convert for smart Filter ដើម្បី​ងាយស្រួល​ក្នុង​ការកែ

♦ ជំហានទី ៧

​ចំណុច​បន្ទាប់យើងជ្រើស Filter -> Blur -> Motion Blur ដើម្បី​កំណត់​ទិសដៅ និង ទំហំ​គ្រាប់ភ្លៀង 

♦ ជំហានទី ៨

​ចំណុច​ចុងក្រោយ​យើងចុចលើ Create new fill or Adjustment Layer ដោយជ្រើសយក Levels…  ដើម្បី​កំណត់​ពន្លឺរបស់​រូបភាព​ជាការស្រេច ។

ក្រោយពីអនុវត្តន៍រួចយើងទទួលបាន​លទ្ធផល​ដូច​ខាងក្រោម​៖

♦ រៀបរៀងអត្ថបទដោយ ៖ កញ្ញា អាលី អានីតា

♦ កែ​សម្រួល​អត្ថបទដោយ ៖ ជា សែនកុសល