ការ​បង្កើត Code Snippet

Code Snippet គឺជា​គំរូ​កូដ​ដែល​មានស្រាប់នៅ​ក្នុង Visual Studio ។ គំរូ​យើង​គ្រាន់តែ​វាយពាក្យកាត់រួចចុច Tab នោះ Visual Studio នឹង​បង្កើត​ឲ្យ​យើង ។ ទោះជា​យ៉ាង​ណា​ក៏​ដោយកូដ​គំរូ​មិនមានគ្រប់គ្រាន់​សម្រាប់​ការចង់បានរបស់យើងនោះទេ តែយើងអាច​បង្កើត​កូដ​គំរូ​សម្រាប់​ផ្ទាល់​ខ្លូនរបស់យើងបាន ។

សូមចុច Like គេហទំព័រ www.antkh.com ដើម្បី​ទទួលបានអត្ថបទថ្មីៗ​ប្រចាំ​ថ្ងៃ​

♦ ការ​បង្កើត​កូដ​គំរូ (Code Snippet)

​បង្កើត .Snippet File

១. នៅលើ File menu ចុច New រួចហើយចុច File

២. ចុច XML File ហើយចុច Open

៣. ចុច File ចុច Save As

៤. ក្នុង​ប្រអប់ File name ​បញ្ចូល​ឈ្មោះ​ជាមួយ extension.snippet

(ឧទាហរណ៍​បញ្ចូល​ឈ្មោះ dtable.snippet)

៥. កំណត់​ទីតាំង រួចចុច Save

​♦ ​សរសេរ​កូដ​បង្កើត Snippet

យើងនឹង​ធ្វើការ​បង្កើត​កូដ​គំរូ​សម្រាប់​បង្កើត DataTable និង DataColumn ដោយ​គ្រាន់តែ​វាយពាក្យ dtabel រួចចុច Tab នោះ Visual Studio នឹង​ធ្វើការ​បង្កើត​កូដដូចរូប​ខាងក្រោម​៖

កូដ snippet គឺជាកូដ XML ​ដែល​សរសេរ​ក្នុង​ទម្រង់​ដែល​កំណត់​ដោយ Visual Studio ​ក្នុង​ការ​បង្កើត​ជាកូដ​គំរូ​ឡើង ។

កូដ snippet ចែកចេញជា ២​ផ្នែក​គឺ <Header> និង <Snippet> ហើយ​ផ្នែក​ទាំង២នេះត្រូវក្ដោបដោយកូដ CodeSnippets និង CodeSnippet សូមមើលកូដ​ខាងក្រោម​៖

​ផ្នែក <Header>

ជា​ផ្នែក​មួយ​ដែល​មាន​នូវ​ព័ត៌មាន​ទាក់ទងពី snippet ​ដូចជា ចំណងជើង Shortcut ​សម្រាប់​ហៅ snippet ការពិពណ៌នា (Description) ពី snippet, អ្នក​បង្កើត ។ ល ។

​ផ្នែក​ <Snippet>

ជា​ផ្នែក​សម្រាប់​សរសេរ​កូដ​គំរូ (code snippet)

​ផ្នែក <Declearations>

ជា​ផ្នែក​សម្រាប់​ធ្វើការ​ប្រកាសអញ្ញាត ។

​ផ្នែក <Literal>

Literal element គឺជាអញ្ញាត ។ ក្នុង​កូដ snippet ខាង​ស្ដាំ​មាន​នូវ Literal ចំនួន ៣ ដែល​មានន័យថា snippet ​ប្រើ​ប្រាស់ ៣ អញ្ញាត ។ នៅ​ក្នុង Literal element មាន​នូវ element ចំនួន ៣ គឺ៖

-ID៖ គឺជា​ឈ្មោះ​របស់អញ្ញាត

-ToolTip៖ គឺជាអក្សរ​ក្នុង​ផ្ទាំង​ពណ៌លឿង​ដែល​បង្ហាញ​ដល់អ្នក​ប្រើ​ប្រាស់​

-Default៖ គឺជា​តម្លៃ​ដំបូងរបស់អញ្ញាត

​ផ្នែក​ <Code>

ជា​ផ្នែក​ដែល​មាន​នូវ​ក្នុង​កូដ​គំរូ ។ Attribute Language=”csharp” បញ្ចាក់ពីភាសា​ដែល​កូដ​គំរូ​ប្រើ​គឺ C# ​ប្រសិនបើ​យើង​សរសេរ VB.NET យើងដាក់ Language=”vb” ។

កូដ​គំរូ​របស់ snippet ត្រូវ​សរសេរ​ក្នុង <! [CDATA [ ​ជាមួយនឹង​អញ្ញាត​ដែល​យើងបានប្រកាស​ក្នុង Literal element ​ក្នុង​ផ្នែក Declarations ។

អញ្ញាតត្រូវ​សរសេរ​អមដោយសញ្ញា $ ។

$selectes$ $end$ ​សម្រាប់​កំណត់​ទីតាំងរបស់ cursor ស្ថិត​នៅពេល​ដែល​យើង​សរសេរ snippet ចប់ដោយចុច Enter ។

សូម​ធ្វើការ​ប្រៀបធៀបកូដ​ក្នុង <! [CDATA [ ជាមួយនឹង​កូដ​ក្នុង​រូប​ខាងក្រោម​ដែល​ជាកូដ​បង្កើត​ដោយ snippet នេះ ។

​បញ្ចូល snippet ទៅ​ក្នុង Visual Studio

​បន្ទាប់ពី​បង្កើត snippet ចប់សព្វគ្រប់ហើយយើងត្រូវយក snippet ទៅដាក់​បញ្ចូល​ក្នុង Visaul Studio ដោយ Copy ឯកសារ snippet ទៅទីតាំង C:\Program Files (x86) \Microsoft Visual Studio 12.0\VC#\Snippets\1033\Visual C# ទីតាំងនេះអាចផ្លាស់ប្ដូរ​ប្រសិនបើ​យើង​បញ្ចូល​ទីតាំងពេល​ដំឡើង Visual Studio ។

♦ ដកស្រង់ចេញពី​ទស្សនាវដ្ដី​អាន-ANT ច្បាប់​ទី ០៨ ប្រចាំខែឩសភា ឆ្នាំ ២០០៩ និងកែ​សម្រួល​អត្ថបទឡើងវិញនៅខែកញ្ញា ឆ្នាំ ២០១៦ ដោយ លោក រិន ពន្លឺ