លោក James Clark បានចាប់កំណើតនៅថ្ងៃទី២៣ ខែកុម្ភៈ ឆ្នាំ១៩៦៤ ស្ថិតនៅក្នុងទីក្រុងឡុងប្រទេសអង់គ្លេស ។ គាត់បានសិក្សានៅវិទ្យាល័យ Charterhouse និងបានបន្តការសិក្សានៅសាកលវិទ្យាល័យ Merton College Oxford ហើយគាត់បានទទួលសញ្ញាប័ត្រផ្នែកគណិតសាស្ដ្រ និងផ្នែកទស្សនៈវិជ្ជា និងទទួលបានកិត្តិយសជា Class I Honors ។

គាត់គឺជាអ្នកបង្កើត Groff software និង Expat (XML) និងបានបង្កើតស្នាដៃជាច្រើនទៀតជាមួយនឹង Open-source software និងភាសា XML ។ នៅឆ្នាំ ២០០១ គាត់បានទទួលពានរង្វាន់ XML Cup ដំបូងគេ ។

ភាសា XML (Extensible Markup Language) គឺជាសំណុំនៃក្បួនច្បាប់ ក្នុងការសរសេរឯកសារបង្កប់នៅក្នុងប្រព័ន្ធ Electronic ។ ភាសា XML ត្រូវបានគេពីពណ៌នាយ៉ាងច្បាស់នៅក្នុង XML 1.0 Specification ដែលបង្កើតឡើងដោយសហគមគេហទំព័រទូទាំងពិភពលោក (W3C) និងមានការបញ្ជាក់ឯកសារមួយចំនួនទៀតដែលពាក់ព័ន្ធនឹង ភាសា XML ។ ភាសា XML មិនត្រូវបានគេដាក់ក្នុងតម្លៃណាមួយនោះទេ គឺអនុញ្ញាតឲ្យប្រើជា Open Standards ដោយមិនគិតថ្លៃ ។ ភាសា XML គឺបង្កើតឡើងក្នុងទិសដៅបញ្ជាក់ឲ្យកាន់តែច្បាស់ពីសមត្ថភាពលើការប្រើប្រាស់ Internet ប្រកបដោយភាពងាយស្រួល និងមានភាពទូលំទូលាយថែមទៀត ។ ភាសា XML មានទម្រង់ជា Textual data format ជាមួយនឹងការផ្គត់ផ្គង់ដ៏រឹងម៉ាំរបស់វានោះគឺការប្រើប្រាស់ភាសា Unicode ដែលជាភាសាគេប្រើប្រាស់ទូទាំងពិភពលោក ។ ទោះបីជាភាសា XML គឺបង្កើតឡើងដោយតម្រង់ទិសទៅលើឯកសារ ផ្សេងៗជាច្រើនក៏ដោយ តែវាក៏ត្រូវបានគេប្រើសម្រាប់ពិពណ៌នាពី arbitrary data structures ឧទាហរណ៍៖ Web services ។ អ្នកសរសេរកម្មវិធីអាចប្រើ API (Application Programming Interfaces) ផ្សេងៗគ្នាជាច្រើនក្នុងការយកទិន្នន័យរបស់ XML និងអាចប្រើ XML Schema មួយចំនួនទៀត ដែលត្រូវគេបង្កើតឡើងសម្រាប់ជំនួយ បន្ថែមនៅក្នុង definition of XML-based languages ។ ក្នុងឆ្នាំ ២០១៦ នេះ គឺមានភាសា XML-based ជាច្រើនដែលត្រូវបានគេបង្កើតឡើង រួមមានដូចជា RSS, Atom, SOAP និង XHTML ។ ម្យ៉ាងទៀតទម្រង់នៃ XML-based ក៏បានក្លាយជាលក្ខណៈ default លើ Office-productivity tools ជាច្រើនរួមមានដូចជា៖ Microsoft Office (Office Open XML) , OpenOffice.org (OpenDocument) និង Apple’s iwork ។

ភាសា XML គឺជាទ្រង់ទ្រាយមួយ ឬជាការបង្កើតឡើងវិញនៃភាសា ISO Standard Feneralized Markup Language) ដែលជាភាសា ISO Standard ដ៏ធំមួយ ។
ភាសា SGML មានសមត្ថភាពខ្ពស់ក្នុងការបង្ហាញព័ត៌មានជាលក្ខណៈ dynamic ដែលត្រូវបានគេពន្យល់យ៉ាងច្បាស់លាស់មុនដំបូងគេ ដោយអ្នកបោះពុម្ពផ្សាយតាមប្រព័ន្ធ digital នៅក្រោយឆ្នាំ ១៩៨០ មុនពេលប្រព័ន្ធ internet កើតឡើង ។ នៅពាក់កណ្ដាលឆ្នាំ១៩៩០ អ្នកដែលធ្វើការជាមួយនឹងភាសា SGML មួយចំនួនបានទទួលបទពិសោធន៍ថ្មីៗជាបន្ដបន្ទាប់ជាមួយនឹង World Wide Web ហើយពួកគេមានទំនុកចិត្ដលើភាសា SGML អាចផ្ដល់ជាដំណោះស្រាយចំពោះបញ្ហាមួយចំនួននៅលើ Web ។ នៅក្នុងឆ្នាំ១៩៩៥ លោក Dan Connolly បានចូលរួមជាបុគ្គលិកនៃ W3C ហើយគាត់បានបន្ថែមភាសា SGML ទៅក្នុងតារាងសកម្មភាពនៃ W3C ដែលការងារនោះបានចាប់ផ្ដើមធ្វើការនៅពាក់កណ្ដាលឆ្នាំ ១៩៩៦ នៅពេលដែលលោក Jon Bosak (Sun Microsystems engineer) ត្រូវបានជ្រើសរើសជាសហការី និងបានបង្កើតជាធម្មនុញ្ញមួយ ។ លោក Bosak ជាបុគ្គលដែលមានទំនាក់ទំនងល្អនៅក្នុង សហគមន៍ដែលមានបទពិសោធន៍ទាំងភាសា SGML និងការប្រើប្រាស់ Web ។ ភាសា XML ត្រូវបានគេចងក្រងឡើងដោយ Working Group ដែលមានសមាជិកចំនួន ១១នាក់ ហើយមានការគាំទ្រដោយ Internet Group ដែលមានសមាជិក ១៥០ នាក់ ។ ការពិក្សាអំពីបច្ចេកទេសត្រូវបានកំណត់ទីតាំងនៅក្នុងតារាង mail របស់ Internet Group ហើយបញ្ហាទាំងអស់នឹងត្រូវបានគេដោះស្រាយដោយយកតាមមតិទូទៅ ឬក៏ទទួលបរាជ័យដោយការបោះឆ្នោតយកតាមមតិភាគច្រើននៃ Working Group ។ នៅថ្ងៃទី ០៤ ខែធ្នូ ឆ្នាំ ១៩៩៧ លោក Michael Sperberg-Mc-Queen គឺជាអ្នកចងក្រងទាំងរបាយការណ៍នៃការរចនាម៉ូដ និងមូលដ្ឋានគ្រឹះខាងក្នុងរបស់ភាសា XML ។ នៅពេលនោះដែរ លោក James Clark ក៏បានជួយជាអ្នកដឹងនាំក្រុមបច្ចេកទេសនៃ Working Group ប៉ុន្ដែអ្វីដែលគួរឲ្យកត់សម្គាល់នោះគឺ គាត់បានជួយបង្កើតឲ្យមានជា Empty-Element “<empty/” ដែលជារូបមន្ដ (Syntax) និងការដាក់ឈ្មោះ “XML” ។ លោក James Clark ក៏បានដាក់ឈ្មោះផ្សេងៗជាច្រើនទៀតទៅក្នុងគ្រោងការសម្រាប់ធ្វើការពិចារណា រួមមានដូចជា៖ “MAGMA” (Minimal Architecture for Generalized Markup Applications) , “SLIM” (Structured Language for Internet Markup) និង “MGML” (Minimal Generalized Markup Language) ។

លោក Tim Bray និងលោក Michael sperberg-Mc-Queen អ្នកទាំងពីរ ឬគឺជា co-editor នៃគ្រោងការដើម ។ ប៉ុន្ដែចំពោះគ្រោងការរបស់លោក Bray គឺបានទទួលការយល់ព្រមជាលាយលាក់អក្សរ តែមួយចំណែកពី ក្រុមហ៊ុន Netscape តែប៉ុណ្ណោះចំណែកឯក្រុមហ៊ុន Microsoft គឺប្រឆាំង តវ៉ាយ៉ាងខ្លាំងក្លា ដែលតម្រូវឲ្យលោក Bray ធ្វើការចុះហត្ថលេខាសារជាថ្មី ក្នុងមុខងារជា Editorship បណ្ដោះអាសន្ន ។ ការដឹកនាំលើគម្រោងនេះ បានឈានទៅរកជំលោះយ៉ាងខ្លាំងក្លានៅក្នុង Working group ប៉ុន្តែជាយថាហេតុបញ្ហានេះក៏ត្រូវបានដោះស្រាយដោយការតែងតាំងលោក Jean Paoli ជាបុគ្គលិករបស់ក្រុមហ៊ុន Microsoft ធ្វើជា Co-editor ទីបី ។ ការបង្កើតភាសា XML របស់ Working Group គឺមិនដែលបានជួបមុខគ្នាផ្ទាល់នោះទេ កិច្ចការលើគ្រោងការគឺត្រូវគេប្រតិបត្ដិ តាមរយៈការបន្សំនៃ Email ជាច្រើន និងការជួបប្រជុំនៅចុងសប្ដាហ៍តាមរយៈ Teleconferences ។ ការសម្រេចលើគម្រោងសំខាន់ៗគឺ ត្រូវបានប្រព្រឹត្ដទៅអស់រយៈពេល ២០ សប្ដាហ៍ ដែលជាការជំនះលើការងារដ៏ស្មុគ្រស្មាញ និងតឹងតែងបំផុតចាប់តាំងពីខែ កក្កដា រហូតដល់ខែ វិច្ចិកា ឆ្នាំ ១៩៩៦ នៅពេលដំបូងនោះគឺគ្រាន់តែបោះពុម្ពជា Working Draft នៃ XML specification តែប៉ុណ្ណោះ ។ ក្រោយៗមកទៀតក៏នៅបន្ដការងារជាបន្ដបន្ទាប់ រហូតដល់ឆ្នាំ ១៩៩៧ ហើយជាចុងក្រោយនៅថ្ងៃទី ១០ ខែកុម្ភៈ ឆ្នាំ ១៩៩៨ ក៏បានបង្កើតជា XML 1.0 ក្លាយជា W3C Recommendation មួយដ៏អស្ចារ្យ ៕