ធ្នូ
ហេតុអ្វីត្រូវចេះ Object Orented PHP
♣ តើអ្វីទៅជា OOP ?
OOP ដែលជាពាក្យពេញហៅថា Object-Oriented-Programming គឺជា Paradigm (model ឬ pattern) នៃ Programming ដែលបង្កើត និងប្រើ Objects សម្រាប់ការសរសេរកូដ ។ Objects ទាំងនេះត្រូវបានប្រើតាមតម្រូវការ ដើម្បីបង្កើតជា application និងកម្មវិធីកុំព្យូទ័រគ្រប់ប្រភេទទាំងអស់ ។
នៅក្នុងការសរសេរ OOP Programming មាននូវលក្ខណៈពិសេសមួយចំនួនដូចជា៖ abstraction, encapsulation, modularity, polymorphism និង inheritance ។ OOP មិនមែនថ្មីនោះទេ វាត្រូវបានគេចាប់ផ្ដើមបង្កើតនៅក្នុងទសវត្សរ៏ឆ្នាំ ១៩៦០ ហើយត្រូវបានប្រើជាទូទៅក្នុងការបង្កើត software application នាទសវត្សរ៏ឆ្នាំ ១៩៩០ ។ មកដល់ឥឡូវនេះ OOP ត្រូវបានប្រើក្នុងភាសា programming ពេញនិយមជាច្រើនដូចជា៖ Java, C++, C#, Visual Basic.NET, Python, JavaScript និង PHP ។ លើសពីនេះទៅទៀតភាសា Ruby ដែលមានលក្ខណៈ OOP ខ្លាំងត្រូវបានទទួលការពេញនិយម កាន់តែខ្លាំងឡើងពីមួយថ្ងៃទៅមួយថ្ងៃ ។ នេះបង្ហាញឲ្យឃើញពីភាពទូលំទូលាយ និងចាំបាច់របស់ OOP ដែលលោកអ្នកត្រូវចេះសម្រាប់ថ្ងៃអនាគតនៃ programming ។ សិក្សា OOP សម្រាប់ PHP ឲ្យបានឆាប់បំផុត PHP មិនមែនគ្រាន់តែជា scripting language ដែលសរសេរសម្រាប់បន្ថែមការឲ្យ HTML ប៉ុណ្ណោះទេ តែវាជាភាសាពេញលក្ខណៈមួយ ដែលមានសមត្ថភាពក្នុងការបង្កើត application ធំៗនិងស្មុគ្រស្មាញ ។
ដោយមាននូវ OOP យើងអាចកាត់បន្ថយពេលវេលាក្នុងការសរសេរកូដ ដើម្បីបង្កើត website ដែលមាននូវលក្ខណៈពិសេស ។
♣ សារៈប្រយោជន៍របស់ OOP
ការប្រើប្រាស់ OOP ផ្ដល់ឲ្យលោកអ្នកនូវផលប្រយោជន៍ជាច្រើនដូចជា៖
- Reusability: យើងអាចយកកូដដែលធ្លាប់បានសរសេរសម្រាប់ website មុនមកប្រើម្ដងទៀត ឬយកកូដដែល download ពី internet មកប្រើក្នុង website របស់យើងបានយ៉ាងងាយស្រួល ។
- Robust Programming: ប្រកបទៅដោយភាពរឹងមាំ និងមិនងាយមានបញ្ហានៅពេលដំណើរការ ។
- Flexible អាចយកទៅបង្កើតគ្រប់ប្រភេទ Website និង Web Application ទាំងអស់ ។
- Testability/Increased Quality អាច test បានដោយប្រើ PHPUnit ឬ SimpleTest ដែលនឹងបង្កើនល្បឿនក្នុងការ test និងបង្កើនគុណភាពរបស់ Website ឬ Web Application ដែលបង្កើតដោយ PHP ។
- Extensibility: ងាយស្រួលក្នុងការពង្រីកសមត្ថភាព ។
- Maintainability: ងាយស្រួលក្នុងការថែទាំ ដោយសារ OPP ធ្វើឲ្យការសរសេរ PHP មានលក្ខណៈជាផ្នែក ឬប្លុកជាក់លាក់ ដែលនឹងធ្វើឲ្យយើងងាយស្រួលស្វែងរក និងកែកំហុស ។
♣ ភាពល្បីល្បាញរបស់ OOP
PHP OOP ត្រូវបានគេប្រើយ៉ាងទូលំទូលាយ និងច្រើនទៅៗ ដែលដូចយើងឃើញស្រាប់នៅលើ internet ។ លើសពីនេះទៅទៀត PHP Framework ដែលល្បីៗ និងមានអ្នកប្រើច្រើនសុទ្ធតែប្រើ OOP ទាំងអស់ ដែលនេះបង្ហាញថាប្រសិនបើយើងមិនចេះ PHP OOP នោះទេយើងប្រាកដជាមិនអាចចេះ PHP Framework បានដោយងាយស្រួលនោះទេ ។
PHP Framework ដែលប្រើ OOP មានដូចជា៖ CakePHP, Zend, Codeigniter, Symfony, Yii, Prado, Seagull ។ ល ។ លើសពីនេះ PHP មាននូវ ORM (មកពីពាក្យថា Object-Rlational Mapping ដែលដូចនឹង Hibernate របស់ Java ដែល ១០០% ប្រើ OOP) ជាច្រើនដូចជា៖
- CakePHP៖ ORM និង framework សម្រាប់ PHP5
- Doctrime៖ ORM សម្រាប់ PHP 5.2.3
- PdoMap៖ ORM សម្រាប់ PHP 5.x ផ្ដើមគំនិតបង្កើតដោយ Hibernate
- Propel៖ ORM សម្រាប់ PHP5 ផ្ដើមគំនិតដោយ Apache Torque
និង ORM ជាច្រើនទៀតដែលនិងផ្ដល់ឲ្យយើងងាយស្រួល ក្នុងការសរសេរកូដភ្ជាប់ទៅកាន់ Database ។
♣ អ្នកប្រើប្រាស់ OOP
PHP OOP ត្រូវបានប្រើដោយប្រព័ន្ធ និង Website ល្បីៗជាច្រើនដូចជា៖ Facebook.com
CMS – wordpress.com
Social Network – digg.com
♣ តម្រូវការសម្រាប់ PHP OOP
ប្រសិនបើ website របស់អ្នកបង្កើតដោយប្រើ PHP OOP អ្នកត្រូវបង្ហោះ website នេះនៅ Hosting ណាដែល support PHP 5 ដើម្បីជៀសវាងការមិនដំណើរការ ឬ warming ផ្សេងៗ ។
♣ សមាសធាតុសំខាន់ៗរបស់ OOP
OOP មាននូវសមាសធាតុសំខាន់ៗមួយចំនួន ដែលត្រូវប្រើសម្រាប់ការបង្កើត Website និង Web Application ដូចជា៖ Object, Instance, Method, Abstraction, Encapsulation, Modularity និង Interface ។
♣ ដកស្រង់ចេញពីទស្សនាវដ្ដីអាន-ANT ច្បាប់ទី ១៨ ប្រចាំខែ កញ្ញា ឆ្នាំ ២០១០
🔺 🔺 ទម្រង់នៃការបង្ហាញរុក្ខជាតិឱសថកម្ពុជាដំណើរការលើ iOS
ចុច Link នេះ ដើម្បីទាញយកដោយឥតគិតថ្លៃ https://itunes.apple.com/us/app/ant-khmer-medicinal-plants-f/id1219136098?mt=8
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា