សីហា
ស្វែងយល់អំពី JDK
♦ រៀបរៀងដោយ លោក អ៊ុក រស្មី ត្រួតពិនិត្យ និងកែសម្រួលអត្ថបទឡើងវិញដោយលោក ទុម សកល
នៅក្នុងដំណើរការនៃការបង្កើតកម្មវិធីដោយប្រើប្រាស់ភាសា Java គេត្រូវការ JDK ឬ Java Development Kit ។ ការយល់ដឹងអំពី JDK និង Tools ខាងក្នុងរបស់វា ផ្ដល់ភាពងាយស្រួលច្រើន ដល់អ្នកសិក្សាមុខវិជ្ជា Java ក៏ដូចជា ដល់អ្នកបង្កើតកម្មវិធីនេះដែរ ។
ជាទូទៅ ក្នុងគោលបំណងបង្កើតកម្មវិធី Java ផង និងដំណើរការកម្មវិធី Java ផង គេតែងតែឃើញមានការដំឡើង JDK នៅក្នុងម៉ាស៊ីនកុំព្យូទ័ររបស់អ្នកបង្កើតកម្មវិធី ។ ហើយក្នុងគោលបំណង ដើម្បីតែដំណើរការកម្មវិធី គេឃើញមានការដំឡើងតែ JRE ដែលជាផ្នែកមួយរបស់ JDK នៅក្នុងម៉ាស៊ីនប៉ុណ្ណោះ ។ បើគេត្រូវការតែធ្វើដំណើរការកម្មវិធី មិនត្រូវការបង្កើតកម្មវិធី Java ទេ គេអាចដំឡើងតែ JRE ដែលជាផ្នែកមួយរបស់ JDK ដាច់ដោយឡែកក៏បាន ។
សូមចុច Like គេហទំព័រ www.antkh.com ដើម្បីទទួលបានអត្ថបទថ្មីៗប្រចាំថ្ងៃ
JDK បំពេញមុខងារសំខាន់ពីរ គឺផ្ដល់ Development Environment និង Runtime Environment សម្រាប់កម្មវិធី Java ។ មុខងារទាំងពីរនេះត្រូវធ្វើដោយ Tools សំខាន់ៗជាច្រើននៅក្នុង JDK ដូចជា Development tools និង JRE ។ នៅក្នុង JRE មាន Libraries និង JVM ។ រីឯនៅក្នុង JVM មាន Interpreter និង JIT ។ សូមមើលរូបខាងក្រោមនេះ ។
នៅក្នុងមុខងារទី ១ JDK ផ្ដល់ Development Environment ក្នុងការបង្កើតកូដ ឬ កែកូដដែលមានស្រាប់ (Modify existing codes) ។ បន្ទាប់ពី Programmers សរសេរកូដរួច Compiler ដែលជាផ្នែកមួយនៃ Java Development Tool បំប្លែង Source code ដែល file របស់វាមាន extension .java ឲ្យទៅជា Bytecode ។ ប៉ុន្តែ បើ Compiler រកឃើញមាន Error; Programmer ត្រូវត្រឡប់ទៅដំណាក់កាលដំបូង ដើម្បីកែកូដឡើងវិញ ។ នៅពេលដែលក្លាយទៅជា Bytecode វានឹងចូលដល់ការធ្វើដំណើរការកូដ (Execution) ដែលជាមុខងារទី ២ របស់ JDK ដែរ ប៉ុន្តែមុខងារនេះស្ថិតក្នុងផ្នែក JRE ។ សូមមើលរូបខាងក្រោម ។
JRE ឬ Java Runtime Environment ផ្ដល់បណ្តុំឧបករណ៍ Software សម្រាប់តែបំពេញមុខងារដំណើរការកូដតែប៉ុណ្ណោះ (Run) ។ JRE មានតួនាទីតែដំណើរការកូដដែលគេបង្កើតរួចប៉ុណ្ណោះ មិនមានតួនាទីបង្កើតកូដទេ ។ នៅក្នុង JRE មាន Java Package Class; Runtime Libraries និងមានម៉ាស៊ីនសំខាន់មួយទៀត គឺ JVM ដែលមានតួនាទីបំប្លែង Bytecode ឲ្យទៅជាភាសាម៉ាស៊ីន ។
JVM ឬ Java Virtual Machine គឺជាម៉ាស៊ីនសិប្បនិម្មិតមួយ មិនមែនជាឧបករណ៍ម៉ាស៊ីនពិតប្រាកដ ឬជា Hardware អ្វីទេ ។ វាគ្រាន់តែជា Software នៅក្នុង Memory របស់ Computer ប៉ុណ្ណោះ ដែលវាបំពេញមុខងារបានដូចជាម៉ាស៊ីនជាក់ស្តែងដែរ ។ ឧទាហរណ៍ ប្រៀបបាននឹងម៉ាស៊ីនគិតលេខ (Calculator) នៅក្នុងកុំព្យូទ័រដែរ ដែលវាមិនមែនជាម៉ាស៊ីនគិតលេខពិតប្រាកដ ដែលយើងអាចកាន់នៅដៃបានទេ គឺវាជា Software នៅក្នុងកុំព្យូទ័រ ។ ប៉ុន្តែ Calculator Software នេះ អាចបំពេញមុខងារបានដូចម៉ាស៊ីនគិតលេខ ដែលយើងកាន់នៅដៃផ្ទាល់ដែរ ។
នៅក្នុង JVM កិច្ចការដំបូងគឺ Load កូដកម្មវិធីចូលទៅក្នុង Memory មានន័យថា ដាក់បញ្ចូលកម្មវិធី ដើម្បីដំណើរការ (Execute) ។ បន្ទាប់មក Bytecode Verifier របស់ JVM ត្រូវត្រួតពិនិត្យ Bytecode ដើម្បីធានាថា កូដទាំងនោះត្រឹមត្រូវ (Valid) និងមិនបំពានគោលការណ៍សុវត្ថិភាពរបស់ Java (Java Security Restriction) ។ នៅក្នុង JVM មាន Tools សំខាន់ពីរទៀតគឺ Interpreter និង Just-In-Time compiler ។ Tools ទាំងពីរនេះ មានតួនាទីបកប្រែ និងបំប្លែង Bytecode ឲ្យទៅជាភាសាម៉ាស៊ីន ដើម្បីឲ្យមានការដំណើរការកូដកាន់តែល្អប្រសើរ (High Performance of Program Execution) នៅលើប្រភេទ operating systems ផ្សេងៗគ្នា ដូចជា Windows, Linux, និង Mac OS ជាដើម ។ សូមមើលរូបខាងក្រោម ។
ការយល់ដឹងអំពី JDK និង Tools ទាំងឡាយរបស់វា គឺជាចំណែកមួយ ជួយយើងឲ្យយល់ដឹងកាន់តែច្រើនអំពី Java និងឲ្យមានសមត្ថភាពដោះស្រាយបញ្ហាមួយចំនួន ដែលមើលទៅហាក់ដូចជាសាមញ្ញ តែពិបាកដោះស្រាយ ។
♦ សម្រាប់វគ្គសិក្សា Java Programming តម្លៃ ៧០ដុល្លា http://training.antkh.com/java_beginning.aspx
♦ សូមចូលរួមជាសមាជិក ANT Training Group ដើម្បីតាមដានសម្មភាពប្រចាំថ្ងៃជាមួយអាន-ANT
♦ សម្រាប់ស្នាដៃសិស្សដែលបានបញ្ចប់វគ្គសិក្សានៅអាន-ANT កន្លងមក http://training.antkh.com/achievements/
មតិ និងយោបល់ទៅលើអត្ថបទនេះ (តាម Facebook)
ខាងក្រោមនេះជាយោបល់ផ្សេងៗរបស់អ្នកទស្សនា