ភាពរីកចម្រើននៃបច្ចេកវិទ្យាស្មាតហ្វូនបានធ្វើឲ្យមានការចាប់អារម្មណ៍និងមានការប្រើប្រាស់កើនឡើងពីមួយថ្ងៃ ទៅមួយថ្ងៃ ជាហេតុធ្វើឲ្យមានតម្រូវការកើនឡើងលើការប្រើប្រាស់សុសវែរ សម្រាប់ដំណើរការនៅលើ ស្មាតហ្វូនទាំងនោះ ។ ភាពប្រកួតប្រជែងនៃការផលិតសុសវែរសម្រាប់ស្មាតហ្វូនពីក្រុម developers ផ្សេងៗ នៅលើពិភពលោកក៏កាន់តែមានភាពផុសផុល ជាកត្តានាំឲ្យមានការអភិវឌ្ឍសមត្ថភាពទៅលើ frameworks និងភាសា programming សម្រាប់ប្រើប្រាស់ក្នុងបង្កើតសុសវែរ ក៏មានការប្រកួតប្រជែងកាន់តែខ្លាំងផងដែរ ។

♦ ប្រភេទនៃ Mobile Apps

→ ទាក់ទងនឹងប្រភេទនៃការបង្កើតសុសវែរសម្រាប់ស្មាតហ្វូន គឺយើងអាចធ្វើការបែងចេញជាបីប្រភេទនៃភាសា Languages ឬ frameworks ដូចជា៖

- Native Language ឬអាចហៅថា Native mobile apps គឺសំដៅទៅលើការប្រើភាសា programming ដែលជាដើមកំណើត និងសម្រាប់ប្រើប្រាស់ផ្ទាល់ក្នុងការបង្កើតសុសវែរផ្សេងៗ ឲ្យដំណើរការនៅលើប្រព័ន្ធប្រតិបត្តិការណ៍ជាក់លាក់ណាមួយរបស់ស្មាតហ្វូន ។ ខាងក្រោមគឺជាឧទាហរណ៍ជាក់ស្ដែងពន្យល់អំពី Native Language៖

+ Native Language សម្រាប់ស្មាតហ្វូនដែលប្រើប្រាស់ប្រព័ន្ធប្រតិបត្តិការ Android មានដូចជា Java និង Kotlin ។ ដូច្នេះ mobile apps ទាំងឡាយដែលបង្កើតដោយភាសាទាំងពីរនេះគឺអាចដំណើរការបានតែនៅលើស្មាតហ្វូនប្រភេទ Android OS ប៉ុណ្ណោះ ។

+ Native Language សម្រាប់ស្មាតហ្វូនដែលប្រើប្រាស់ប្រព័ន្ធប្រតិបត្តការណ៍ iOS មានដូចជា Objective-C និង Swift ។ ដូច្នេះ mobile apps ទាំងឡាយដែលបង្កើតដោយភាសាទាំងពីរនេះគឺអាចដំណើរការបានតែនៅលើស្មាតហ្វូនប្រភេទ iOS ប៉ុណ្ណោះ ។

- Hybrid Framework ឬអាចហៅថា Cross-platform mobile apps គឺសំដៅទៅលើការប្រើប្រាស់ភាសា programming ឬក៏ frameworks ដែលអាចប្រើសម្រាប់បង្កើតសុសវែរឲ្យដំណើរការនៅលើឧបករណ៍ដែលមានប្រព័ន្ធប្រតិបត្តិការណ៍ផ្សេងៗគ្នា ដោយចំណាយពេលនៃការសរសេរកូដតែម្ដងតែមួយរួមគ្នា ។ ឧទាហរណ៍ React Native និង Flutter គឺជា hybrid framework ដោយពួកវានីមួយៗអាចសរសេរកូដតែ១ដង ប៉ុន្តែអាចបង្កើតបានជា apps ដែលអាចដំណើរការបាននៅលើស្មាតហ្វូនទាំងប្រភេទ Android និង iOS ។

- Mobile web apps គឺជាទម្រង់នៃការបង្កើត website ដែលអាចដំណើរការនៅលើ browser របស់ស្មាតហ្វូន ប៉ុន្តែទម្រង់នៃការបង្ហាញ interface របស់វាគឺអាចច្រឡំនឹង mobile apps ទូទៅផ្សេងៗទៀត ។ ដូច្នេះ mobile web apps គឺមិនត្រូវការ install ចូលទៅក្នុងស្មាតហ្វូននោះឡើយ យើងគ្រាន់តែវាយបញ្ចូលនូវ URL នៃ mobile web app នោះទៅកាន់ browser របស់ស្មាតហ្វូនដូចគ្នាទៅនឹងការបើកគេហទំព័រផ្សេងៗដូច្នេះដែរ ។

♦ ការវិភាគទៅលើ React Native និង Flutter

បន្ទាប់ទៅនេះ យើងនឹងលើកយក frameworks លំដាប់កំពូលពីរដែលស្ថិតក្នុងប្រភេទ Cross-platform ឬហៅថា Hybrid Language ឬក៏ Framework យកមកវិភាគ ដោយ frameworks ទាំងនោះគឺ Flutter ដែលបង្កើតឡើងដោយក្រុមហ៊ុន Google និង React Native ដែលបង្កើតឡើងដោយក្រុមហ៊ុន Facebook ថាតើមួយណាល្អជាងដែលគួរជ្រើសរើស?

ជាការពិតណាស់ frameworks ទាំងពីរនេះសុទ្ធតែជា framework លំដាប់កំពូលដែលត្រូវបានជ្រើសរើសប្រើដោយក្រុម developers ហើយអ្នក developers មួយចំនួនតែងមានមន្ទិលសង្ស័យ ថាតើវាទាំងពីរមួយណាល្អជាងមួយណា?

ពាក់ព័ន្ធនឹងការវិភាគនេះយើងនឹងលើកយក 8 ចំណុចនៃការប្រកួតប្រជែង ដើម្បីកំណត់ពិន្ទុទៅលើភាពឈ្នះចាញ់ដោយសុក្រឹតទៅលើ frameworks ទាំងពីរនេះ ចំណុចទាំងនោះមានដូចជា៖

1. Programming language

2. Technical architecture

3. Setup and project configuration

4. UI components and development API

5. Developer productivity

6. Community support

7. Testing support

8. Build & release automation support