For Android device For iOS device
១៨
មករា

អ្វីជា Crimeware ?

→ សូមចុច Subscribe លើ Channel នេះ ដើម្បី​ទទួលបាន​វីឌីអូ​បង្រៀនថ្មីៗ​ពីអាន-ANT

 

 កែ​សម្រួល​ឡើងវិញដោយ លោក សា សិលា 

Crimeware វាជា​ប្រភេទ​កម្មវិធី​កុំព្យូទ័រ​ដ៏មានទុក្ខទោសមួយ នៅពេល​ណា​ដែល​វាបាន installed ​ទៅកាន់​កុំព្យូទ័រ​របស់​លោកអ្នក​

 

Crimeware ធាតុពិតវាគឺជា​ប្រភេទ Trojans, viruses, worms, spyware, or adware ​ដែល​ត្រូវបាន​រៀបចំ​ឡើង ដើម្បី​បង្កហេតុអាក្រក់ដល់​កុំព្យូទ័រ​របស់​លោកអ្នក​ក្នុង​រូបភាព​ផ្សេងៗ​គ្នា​ដូចជា លួចចាប់យក​នូវ​រាល់ការចុច keys ​របស់អ្នក​នៅលើ keyboard ​ដែល​ហៅថា keyloggers ​ខ្លះ​ទៀតវា​ធ្វើការ​ថត screen (capture screenshots) ​នៅពេល​ដែល​លោកអ្នក​ប្រើ​ប្រាស់ websites ធនាគារ ជួនកាលវា​ថែមទាំង​ធ្វើការ download កូដផ្សេងៗ​ដែល​ផ្ដល់​ទុក្ខទោសដល់​លោកអ្នក​ទៀតផង លើសពីនេះមាន​ប្រភេទ Trojans មួយចំនួន អនុញ្ញាត​ិ​ឲ្យ​ពួក hackers អាចបញ្ជា​កុំព្យូទ័រ​របស់អ្នក​ពី​ចម្ងាយ​តាមរយៈ internet ​ទៀតផង ។

Crimeware វាមានភាពប៉ិនប្រសព្វ​ក្នុង​ការលួច​នូវ​ព័ត៌មាន​សំខាន់​ៗ​និង​សម្ងាត់​របស់​លោកអ្នក​ដូចជា Passwords ឬ​ក៏ PIN (Password Identification Number) រួច​ផ្ញើ​ទៅកាន់​ពួក​ឧក្រិដ្ឋ​ជន ដើម្បី​យក ទៅ​ប្រើ​ប្រាស់​ជាប្រយោជន៍​អ្វីមួយរបស់​ពួកគេ ។ វាពិតជាគ្រោះ​ថ្នាក់​ដ៏ខ្លាំងក្លាមួយ បើសិនជា​ព័ត៌មាន​របស់​លោកអ្នក​វាក្លាយជា អាវុធ​សម្រាប់​ជន​ឧក្រិដ្ឋ​យកទៅ​ប្រើ​ប្រាស់ ដើម្បី​ធ្វើជា​ឧក្រិដ្ឋ​កម្មទៅវិញនោះ ។

♦ តើធ្វើដូចម្តេច ដើម្បី​ការពារ​ពីការវាយលុកពី Crimeware?

វាពិបាក​ដែល​យើងនិយាយថានឹងអាច​ការពារ ១០០% ពីការវាយប្រហារដោយ Crimeware ឬ​កុំព្យូទ័រ​មេរោគ​ផ្សេងៗ ព្រោះ​សំខាន់​បំផុត​គឺ​លោកអ្នក​ផ្ទាល់​ដែល​ត្រូវធ្វើកិច្ចការនេះដោយខ្លួនឯង​បន្ថែម​ទៀត ទោះបីជាសព្វ​ថ្ងៃ​នេះ មាន​កម្មវិធី​កម្ចាត់​មេរោគ​ជា​ច្រើន​ក៏​ដោយ ។

​ខាងក្រោម​នេះគឺជាការ​ណែនាំ​ខ្លះ​ៗ​ដែល​លោកអ្នក​ត្រួវធ្វើ​សម្រាប់​បញ្ជៀសពីការវាយប្រហារដោយ Crimeware ឬ​ក៏ Trojans ផ្សេងៗ​៖

១. ​ដំឡើង​កម្មវិធី Internet Security ​ដែល​មាន license key និងការ update ត្រឹមត្រូវនិងទៀងទាត់

២. ​ធ្វើការ update ​ប្រព័ន្ធ​ប្រតិបត្តិការណ៍​កុំព្យូទ័រ​លោកអ្នក (Windows, Mac, Linux..) ដោយ​ធ្វើការ​កំណត់ update ដោយស្វ័យ​ប្រវត្តិ (បើសិនជា​លោកអ្នក​ប្រើ​ប្រាស់ Windows កុំភ្លេច​ធ្វើការ update Microsoft Office ​ផងដែរ)

៣. បើសិនជា​លោកអ្នក​ទទួលបាន email ​ដែល​មាន attached file (ឧទាហរណ៍​ដូចជា Word, Excel, .EXE ។ ល ។ ) គួរតែកុំបើកមើលវា​ឲ្យ​សោះ លុះត្រាតែ​អ្នកបាន​ស្គាល់​ច្បាស់ពីម្ចាស់ email ​ដែល​បាន​ផ្ញើ​មក ប៉ុន្តែ​យកល្អ​លោកអ្នក​គួរតែសួរ​បញ្ជាក់​ឲ្យ​ច្បាស់​ទៅកាន់​អ្នកនោះវិញ​ថា​ពួកគេ​ប្រាកដជាបាន​ផ្ញើ email មកកាន់ លោកអ្នក​ពិតប្រាកដមែន ឬ​យ៉ាង​ណា ។

៤. ដាច់ខាតមិនគួរបើក attached file ​ក្នុង​ប្រអប់ spam នៃ email របស់​លោកអ្នក​ឡើយ វា​ក៏​គួតែជៀសវាង​ផងដែរ ក្នុង​ការចុច link ​តាមរយៈ message ​ដែល​បាន​ផ្ញើ​ក្នុង email ឬ​ក៏ Instant Messaging (IM)

៥. ត្រូវ​កំណត់​សិទ្ធ ឬ​មានតែ administrator account ប៉ុណ្ណោះ​ដែល​មាន​សិទ្ធ​ដំឡើង​កម្មវិធី ឬ​កែប្រែ​ទៅកាន់​កុំព្យូទ័រ​របស់​លោកអ្នក​

៦. Backup ​ទិន្នន័យ​របស់​លោកអ្នក​ឲ្យ​បានទៀងទាត់​ទៅកាន់ CD DVD external hard disk ដើម្បី​ជៀសវាងបាត់បង់​ទិន្នន័យ ឬ​ក៏​ត្រូវបាន encrypt ដោយ Crimeware ​ក្នុង​ករណីបែបនេះ​លោកអ្នក​អាចនឹង copy ត្រលប់មកវិញ​ទៅកាន់ កុំព្យូទ័រ​របស់​លោកអ្នក​

៧. ​លោកអ្នក​ក៏​គួរតែ update ​កម្មវិធី​ផ្សេងៗ​ទៀត​ដែល​លោកអ្នក​កំពុង​ប្រើ​ផងដែរ​ទៅតាម​ការ​កំណត់​របស់ម្ចាស់ផលិត software នោះ ៕

♦ ចុច Like Page ANTLearner ​ដែល​ជា​កម្មវិធី​ផ្ដល់​ចំណេះដឹង​ផ្នែក​បច្ចេកវិទ្យា​ទៅដល់អ្នក​ប្រើ​ប្រាស់​គ្រប់ពេលវេលា និងគ្រប់ទីកន្លែង

♦ ​សម្រាប់​ព័ត៌មាន​ទំនាក់ទំនងមកយើង​ខ្ញុំ ៖  លេខ​ទូរសព្ទ​ ០១០ / ០១៦ ៦៦៦ ៦៥៣

ឬ​ Facebook: https://www.facebook.com/anttrainning

មតិ និង​យោបល់​ទៅលើ​អត្ថបទ​នេះ (តាម Facebook)

ខាងក្រោម​នេះ​ជា​យោបល់​ផ្សេងៗ​របស់​អ្នកទស្សនា